OSMANLICA BELGE OKUYALIM: XVII. YÜZYILIN İLK YARISINDA MALÎ DURUM

  

Akademi Tarih sayfamızın bugün ki konuğu Kırıkkale Üniversitesi Tarih Bölümü 4.Sınıf Öğrencisi İbrahim GÜLEŞEN sizlere Osmanlı Türkçesi belgesi sunuyor. Keyifli okumalar dileriz.

İbrahim GÜLEŞEN 

 

                            Kırıkkale Üniversitesi Tarih Bölümü 4. Sınıf Öğrencisi

XVII. YÜZYILIN İLK YARISINDA MALÎ DURUM

Kezâlik yurtluk ve ocaklık ashâbı olan ümerâ hudûd-ı hâkānî muhâfazası hidmetini 

edâ ederek taraf-ı devletden bir şey almayıp dirlikleri hâsılâtıyla geçinirler idi. 

Sâdisen tersâne-i âmire mesârifi olan bin altı yüz kesenin dokuz yüz bu kadar kesesi 

cânib-i hazîneden i‘tâ ve mâ-adâsı tersâne ocaklıklarından istîfâ kılınageldiği sâlifü’z-zikr 

bin altmış dört senesi muvazenesinde mastûrdur. 

Sâbi‘an selâtîn-i mâzıye vüzerâ ve ümerâ ve sâir ashâb-ı hayrât gerek İstanbul’da ve 

gerek memâlik-i Devlet-i aliyyenin her cânibinde pek çok cevâmi‘ ve medâris ve mekâtib ve 

köprü ve han ve hamâm misillü ebniye-i hayriyye vü lâzime inşâ ve sular icrâ ederek hem 

bilâd ve kasabâtı i‘mâr ve tezyîn ve ve hem de intişâr-ı ulûm ü fünûn zımnında müderris ve 

hâce ve talebe-i ulûm ve hademe-i vakfa vazîfe-i nakdiyye ve ayniyye tertîb ü ta‘yîn idüp 

hattâ mekteb çocuklarına bile kapama ta‘bîr olunur elbise ve sâire tahsîs eylemişlerdir ve 

ba‘zı mühimm tarîk ve cisrlerin tathîr ü ta‘mîri içün civârında bulunan köyler tekâlif-i 

örfiyyeden muâf tutulmağla anlar dahi dâimâ vazîfelerini icrâ ederler idi. Binâ

Kezâlik Merzifonî Kara Mustafa Paşa mağzûben maktul olduğu ve bi’l-cümle nukūd 

[ve] eşyâsı mirîye kabz olunduğu hâlde oğlu Ali Bey ki sonraları Maktûl-zâde Ali Paşa 

nâmıyla kesb-i iştihâr etmişdir Dîvân-yolu’nda olan medrese ve müteferriâtını pederinin 

akab-i i‘dâmında inşâ etdirip bunların ise ne kadar masraf ve servete mevkūf idiği muhtâc-ı 

beyân değildir ve daha pek çok vüzerâ-zâdeler babalarından kalan emvâl ü emlâk ile 

müreffehen evkāt-güzâr olmuşlardır ki her birinin ityânı mûcib-i tafsîl olacağından terk 

kılınmış ve zann olunduğu gibi her vezîrin vefâtında kâffe-i emvâl ü emlâki müsâdere 

olunmak ve ıyâl ü evlâdı sokaklara atılmak vâkı‘ olmamışdır. Bir de hadd-i ma‘rûfu tecâvüz